Klankdroom

Ons seuntjie is in 2021 gebore. Doofstom, maar propvol liefde. 

In die stilte van jou eie klein heelal

waar geen stem of klank ooit binneval

het ons jou sag in ons arms geneem

'n wêreld sonder woorde, skynbaar vreemd.

Jou lippies beweeg sonder geluid

maar jou oë roep die helder môre uit

Ons het geweet van die heel eerste dag

ons liefde praat harder as 'n stem se krag.

Ons hande word nou jou eie stem

wat die stilte met sagte gebare tem

Ons dans op die ritme van die klop in jou bors

en les met geduld jou lewensdors.

Ons bou vir jou brûe waar raserige strate loop

en kleur jou wêreld in met tasbare hoop

Geen droom is te ver, geen pad te styl

ons sal die hele wêreld vir jou glimlag ruil.

Jy praat met jou vingers, jy hoor met jou hart

en saam stap ons vreesloos deur elke part

Want oral is nie klank wat deur ore stroom

maar ‘n huis vol liefde en ‘n vrye droom.

Droom. Digkuns. 2024. 

Nederland.